اسم المستخدم
الموجودون عالخط
يوجد حاليا لا مستخدمين و ضيف واحد عالخط.
الأعضاء الجدد
سحابة سوداء
نشره samy3593371 يوم اثن, 2008-02-18 04:25.
شفت سحابة سودة في سماء بلدى
قلت ايه السبب ؟
قالوا دة قش رز بينحرق
و سحابة سوداء في عيون ولادى
قلت ايه السبب ؟
قالوا يابا بلادنا بتتسرق
يابا احلامنا بتتسلق
مستقبلنا قدام عيننا بيندعق
بكيت ودموعي صبحت سيل
قالوا ارحم قلبك مريض عليل
عارفين انك عاجز وقليل الحيل
********
يابا دانا ممنوع من العلاج
يابا دانا ممنوع من الزواج
ياريت الاقي لنفسي وظيفة
دا حلمي في لقمة نظيفة
**********
نزعوا من قلبي الانتماء
لما من فقرى زادت ثروة الاغنياء
شالوا من قلبي الولاء
لما حتت من جسمي تباع للاثرياء
*******
يابا داه انا ميت ميت من يوم ماتولدت
وشعرى شاب وفي الظلام غرقت
يحصل ايه لم اغرق في مية نيلي
ولا الجأ لعمل في الكيان الاسرائيلي
حصل ايه في البلد ما ماتو في عبارة
ححاول واروح ايطاليا شطارة
*********
ولو لقيت مفيش فايدة
يبقي ابيع كليتي
ولا ابيع كبدتي
مانا فقدت حريتي
***********
دمي بيتحرق
وطني بيتسرق
احلامي بتنسلق
نفسي اعرف ليه يارب بانخلق
قرأت 136 مرة
( تصنيفات:حرية تعبير )
ثق تماماً أخي الكريم بأن التغيير يبدأ من الداخل .. أن ننير شمعة خير من أن نلعن الظلام .. وفقك الله
مع خالص المودة وجزيل التقدير
www.newmaan.katib.org